синовак ваксинасиниң артуқчилиққа игә икәнлики билдүрүлди

түркийә авази радийоси хәвири: сәһийә министирлиқи билим кеңишиниң әзаси пирофессор доктор һәсән мурат гүндүз байанат елан қилип, хитайдин сетивелинип түркийәдә әмлиниватқан ваксинаниң, йеңи түр вирусқа қарши техиму көп артуқчилиққа игә икәнликини билдүрди.

у: «бу ваксинаниң йеңи түр вирусқа қарши көп артуқчилиққа игә икәнлики билиниватиду. ғәрбтики башқа дөләтләрму бу ваксинаға йүзлинишкә башлиди. шуңа бу, биз үчүн артуқчилиқ һесаблиниду. чүнки биз хәлқимизни бу ваксина билән әмләватимиз» деди.

у кишиләрниң иммунитет күчигә игә болғанда, мәзкур ваксинаниң вирусқа қарши үнүминиң техиму йахши болидиғанлиқини әскәртип: «кишиләр вирусқа қарши тәдбирләргә ахириғичә риайә қилған вә әмләнгән әһвалда, баһар айлириниң ахирида йахши нуқтиға келидиғанлиқимизни пәрәз қилғили болиду» деди.

у ахирида, мушундақ болғанда, йаз пәслигә ишәнч билән киргили болидиғанлиқини вә вабаниң алдини мушу шәкилдә алғили болидиғанлиқини қәйт қилди.