түркийә чәт әлдин келидиған йолучилардин йуқум тәкшүрүш көрсәткүчи тәләп қилишни башлайду

түркийә авази радийоси хәвири: түркийә һава, қуруқлуқ вә деңиз йоли арқилиқ келидиған барлиқ йолучиларниң йеқинқи 72 саәт ичидики вирус тәкшүрүш нәтиҗисиниң сәлбий чиққанлиқини дәлилләйдиған полимераза зәнҗирсиман реаксийә анализи көрсәткүчини көрситиш түзүмини әтә (2020 – йили 30 – декабир)дин башлап 2021 – йили 3 – айғичә йолға қойушни қарар қилди.

йавропадин түркийәгә кириш еғизи болған әдирнәдики чегра еғизидиму әтидин башлап иҗра қилинидиған бу түзүм, қуруқлуқлардики чегра еғизлири арқилиқ түркийәгә кирмәкчи болған йолучилардин паспорт контрол қилиш орнида йеқинқи 72 саәт ичидики полимераза зәнҗирсиман реаксийә тәкшүрүши анализини көрситиши тәләп қилиниду.

тәкшүрүш қәғизи йоқлар қайтип кетиш һоқуқидин пайдилансиму йаки түркийәдики туридиған йери (өй, меһманхана)дә карантин қилиниду.

туридиған ениқ орни йоқлуқини мәлум қилғанлар сәһийә идариси тәрипидин бекитилгән җайларда карантин қилиниду.

карантинниң 7 – күнидики полимераза зәнҗирсиман реаксийә тәкшүрүши нәтиҗиси мәнпий чиққанларниң карантин қилиниш муддити тошқан һесаблиниду. тәкшүрүш нәтиҗиси мусбәт чиққанлар болса, сәһийә министирлиқиниң ковид – 19 бимарлирини давалаш көрсәтмилири бойичә давалиниду.