ئەردوغان ئالسانىنىڭ زىيارىتى ھەققىدە ئۇچۇر ھەمبەھىرلىدى

تۈركىيە ئاۋازى رادىيوسى خەۋىرى: جۇمھۇر رەئىس ئەردوغان، ئاممىۋى ئورتاقلىشىش تور بېتى Twitter سەھىپىسىدە، ئېلان قىلغان باياناتىدا، «تۈركىيە – قاتار ئىستىراتېگىيەلىك ئالىي ھەمكارلىق كېڭىشى» نىڭ 6 – نۆۋەتلىك يىغىنىغا قاتنىشىش ئۈچۈن تۈركىيەگە كەلگەن قاتار ئەمىرى شەيخ تەمىم بىن ھەمەد ئالسانى ۋە ھەيئىتى بىلەن بىر قاتار مۇزاكىرىلەرنى ئېلىپ بېرىپ، تۈرلۈك كېلىشىملەرنى ئىمزالىغانلىقلىرىنى تەكىتلەپ مۇنداق دېدى: «كۆڭۈل رىشتىلىرىمىز بىلەن ئايرىلماز بىر پۈتۈن گەۋدىگە ئايلانغان قېرىنداش قاتار خەلقى بىلەن بولغان ھەمكارلىقىمىزنى ھەر ساھەدە مۇستەھكەملەپ، ئىزچىل داۋاملاشتۇرىمىز.»