чәлик майк помпейони әйиблиди

түркийә авази радийоси хәвири: өмәр чәлик тивиттер адреси арқилиқ байанат берип, майк помпейониң, голан вә қуддус қарарлири шундақла пәләстин мәсилисини икки дөләтлик һәл қилиш пиланиниң улини колиғанлиқини билдүрүп, бу хил қилмишларниң мәсулийәтсизлик билән оттура шәрқтә тинчлиқи вә муқимлиқини хәвпкә иттириватқанлиқини, киризисни чоңқурлаштуруватқанлиқини қәйт қилди.

чәлик, б д т хәвпсизлик кеңиши вә б д т омумий кеңишиниң пәләстинкә мунасивәтлик қарарлирида чиң туридиғанлиқлирини, хәлқара җәмийәтниму бу қарарларға сәзгүрлүк билән қарап, бу һәқтә күчлүк позитсийә билдүрүшкә чақиридиғанлиқлирини билдүрүп, «наһәқчилик вә қанунсизлиққа қарши ортақ позитсийә билдүрүш вә һәмкарлиқ намайан қилиш керәк. помпейониң қанунсиз аһалиләр районлирини зийарәт қилиши мәсулийәтсизлик вә қанунсизлиқтур. җумһур рәисимиз (рәҗәп таййип әрдоған)ниң пәләстин дәвасида намайан қиливатқан һәқлиқ вә қәтий сийасий күрәш давамлишиватиду. һәр түрлүк қанунсизлиққа қарши һәрқандақ әһвалда пәләстинлик қериндашлиримизниң йенида туримиз» деди.