chawushoghlu: türkiye arakan musulmanlirigha sahibxaniliq qilghan bangladéshqa yardem berdi
türkiye tashqi ishlar ministiri mewlüt chawushoghlu türkiyening bir milyondin artuq arakan musulmanlirigha sahibxaniliq qilghan bangladéshqa yardem bergenlikini éytti.
türkiye awazi radiyosi xewiri: chawushoghlu, bangladésh diplomatiye ministiri abul kalam abdulmömin bilen tashqi ishlar ministirliqi binasida ishqa ashurulghan uchrishishlardin kéyin ötküzülgen qoshma axbarat élan qilish yighinida, uchrishishlarda, ikki terep munasiwetlirining herqaysi saheliri heqqide tepsiliy muzakire élip bérilghanliqini, türkiye bilen bangladésh otturisida iqtisadiy munasiwetlerni tereqqiy qildurush imkaniyetliridin toluq paydilinidighanliqlirini tekitlep, hemde bir milyondin artuq arakan musulmanlirigha sahibxaniliq qilghanliqi üchün bangladéshqa minnetdarliq bildürüp mundaq dédi: «buning bangladésh üchün qanchilik chong yük bolghanliqini bilimiz. 4 milyondin artuq musapirgha sahibxaniliq qiliwatqan bir dölet bolush süpitimiz bilen, bu yükning éghirliqini hés qilalaymiz, chüshineleymiz, bolupmu bu yükni ortaqlishish üchün bangladéshqa yardem bériwatimiz.»»
jumhur reis rejep tayyip erdoghanning repiqisi emine erdoghan bilen birlikte 2017 – yili bangladéshni ziyaret qilip, bu yerdiki arakanliqlarning ehwalini neq meydanda körgenliklirini éytqan chawushoghlu, türkiyening shundin buyan barliq organliri hem teshkilatliri bilen arakanliqlarning yémnida boluwatqanliqini qeyt qildi.
türkiye hemkarliq we maslashturush idarisiningmu peqet arakanliqlarghila emes, bangladéshning herqaysi jaylirida tereqqiyat layihelirige nahayiti muhim yardemlerni qiliwatqanliqini tekitligen chawushoghlu, türkiyening «wuxen wirusi» basquchidimu pütkül bangladésh xelqige yardem qolini sunghanliqini eskertip mundaq dédi: «aldimizdiki basquchtimu herdaim bangladéshliq qérindashlirimizning yénida bolushni dawamlashturimiz.»
