türkiye awstriyening asassiz eyibleshlirini ret qildi

türkiye awazi radiyosi xewiri: türkiye jumhuriyiti tashqi ishlar ministirliqi bayanatchisi hami aqsoy, awstriyede türkiyege wakaliten jasusluq qilinghanliqi toghrisidiki dewalargha inkas qayturdi.

bayanatchi aqsoy bu heqtiki bir soalgha yazma halette jawab qayturdi؛ sözide, «biz awstriye dairilirining dölitimiz heqqide otturigha qoyghan asassiz eyibleshlirini ret qilimiz. éniqki, bu eyibleshlerning arqisida türkiyege qarshi küchlerning barliqi éniq» dégen ibarilerge orun bergen aqsoy, awstriye hökümitining, bu dewalardin pütünley estayidil bolmighan réflikislerge tayinip türkiyeni eyibleydighan xulasilerni chiqirishidin heyran qalghanliqlirini bildürdi.

élan qilinghan bayanatlarning, awstriye siyasitining, awamchil sözler we türkiyege qarshi turushning patqiqidin chiqalmighanliqini yene bir qétim körsitip bergenlikini bildürgen aqsoy, «bu ehwalning awstriyediki türk topluqining aramini buzghanliqi wt türkiye - awstriye munasiwitige ziyan yetküzgenliki bilinishi kérek. awstriye hökümitini téyiz ichki siyasiy menpeetlerni qoghliship, türkiyege chétip süniy kün tertip yaritishtin waz kéchip, dölet estayidilliqi we soghuqqanliq bilen heriket qilishqa shundaqla semimiy hemkarliq ornitishqa chaqirimiz» dégenlerni qeyt qildi.

jumhur reislik mehkimisi bayanatchisi ibrahim qalinmu, türkiyening dölitini parchilimaqchi bolghanliqini ilgiri sürgen awstriye maslishish ishliri ministiri susanna rabning dewalirigha «peqet awstiriyenimu? némidégen eyib...» dep jawab berdi.

qalin, özining tiwittér hésabidiki uchurida raabni hembehirlep: «türkiyening awstiriyediki türklerni tesiri astigha élish arqiliq bu döletni bölmekchi bolghanliqi» toghrisidiki xewerge orun bergendin kéyin, bu dewagha jawab qayturup, «peqet awstiriyenimu? némidégen eyib...» dep yézip, arqisigha külüsh ishariti qoshup qoydi.