türkiye girétsiyege naraziliq bildürdi

türkiye awazi radiyosi xewiri: türkiye jumhuriyiti tashqi ishlar ministirliqi bayanatchisi hami aqsoy, girétsiyening, meis ariligha esker yötkigenliki toghrisidiki xewerlerge alaqidar bir soalgha yazma halette jawab bérip, meis arilining 1947 – yili imzalanghan parizh kélishimige asasen qoralsizlandurulghan rayon salahiyitige ige ikenlikini xatirilitip ötti.

aqsoy, «taratqularning xewerliri rast bolsa, girétsiyening qanun étirap qilmasliqining we sherqiy aqdéngizdiki heqiqiy niyitining yéngi bir körsetküchi» ikenlikini tekitlidi.

türkiyening, aralning salahiyitige kirgüzülmekchi bolghan qanunsiz özgertishlerni ret qilidighanliqini bildürgen aqsoy, sözini dawamlashturup, «qirghaqlirimizning udulidila bundaq bir ighwagerchilikning meqsitige yétishige yol qoymaydighanliqimizni tekitleymiz. bu xil ighwager heriketlerning girétsiyege héchqandaq paydisi bolmaydu. girétsiye rayonda jiddiychilikni ulghaytquchi qedemlerni tashlashni dawamlashtursa, ziyan tartqan terep özi bolidu. türkiyening xelqara qanunda körsitilgen heq we menpeetlirini adaqqiche qoghdash iradisi qetiydur» dégenlerni qeyt qildi.