айасофйа бүгүн ибадәткә ечилиду

түркийә авази радийоси хәвири: түркийә диний ишлар идариси (дийанәт) уйуштурған дуа пирограммиси башланди. бәзи қуран сүрилири вә дуалар оқулидиған пирограмма, диний ишлар идарисиниң башлиқи әли әрбашниң дуаси билән ахирлишиду.

айасофйаи кәбир җамәсидә намаз оқушни арзу қилған кишиләр, әтигәндин тартипла тәкшүрүш нуқтилирида узун өчрәт һасил қилди.

мәсул кишиләр вухән вируси (Kovid-19) сәвәби билән, җамәгә кириш нуқтилирида кишиләрниң қолиға дизинфексийә суйуқлуқи чачқандин кейин, маска вә бир қетимла намаз оқушқа болидиған җәйнамаз тарқатти, кишиләрниң температурасини көзәтти.

җумһур рәис рәқәп таййип әрдоған билән миллийәтчи һәрикәт партийәсиниң башлиқи дәвләт бағчәлиниң қатнишиши күтүлүватқан ечилиш мурасими мунасивити билән, нурғун йәрлик вә чәт әллик сайаһәтчиләрниң кәлгәнлики билдүрүлди.

кәң көләмдә вә қаттиқ бихәтәрлик тәдбирлири елинған районда, нурғун сақчилар орунлаштурулди.