erdoghan: bu xelqni zenjir bilen baghlimaqchi bolghanlar muweppeqiyetke érishelmidi
türkiye jumhur reisi rejep tayyip erdoghan 2016-yili 15-iyul kéchisi hörriyet ashiqi bolghan bu xelqni yene bir qétim zenjir bilen baghlashni sinap baqmaqchi bolghanlarning muweppeqiyetke érishelmigenlikini éytti.
türkiye awazi radiyosi xewiri: jumhur reis rejep tayyip erdoghan fethullahchi térrorluq teshkilatining xainlarche herbiy isyan qozghashqa urunghanliqining tötinchi yilida xelqqe xitab qildi.
u 15-iyul herbiy özgirish qozghashqa urunush jeryanida shéhit bolghan 251 puqragha allahtin rehmet tilesh bilen bashlighan nutuqida, xelqning u kéche héchqandaq mejburlash bolmastin öz ixtiyarliqi bilen herbiy isyanchilargha qarshi heriketke ötkenlikini bildürdi.
u mundaq dédi:
«15-iyul kéchisi hörriyetke ashiq bu xelqni yene bir qétim zenjir bilen baghlashni sinimaqchi bolghanlar, hemdi bolsunki muweppeqiyeke érishelmidi. méni mushundaq bir xelqning ezasi qilip yaratqanliqi üchün, ulugh allahqa hemdu sanalar éytimen.»
u 15-iyulning ishghal herikiti ikenlikini, xelqning özi toghrisida hésab soqqanlarning hewisini qorsiqidila tunjuqturup qoyghanliqini eskertti.
u: «ezanimizni öchürüshni, bayriqimizni chüshürüwétishni, milliy iradini ayaq-asti qilishni oylighanlarni, shanliq qarshiliq körsitishimiz arqiliq armanda qoyduq. xelqimizning her bir ezasi ezan üchün, bayriqi, erkinliki we kélechiki üchün birdin yéngilmes qehrimangha aylinalaydighanliqini ispatlidi. bu xelqning deydighan nurghun gépi, emelge ashuridighan nurghun layihesi bar» dédi.
