erdoghan ayasofya heqqidiki eyibleshlerge jawab qayturdi
türkiye jumhur reisi rejep tayyip erdoghan ayasofya qiliniwatqan eyibleshlerning, biwaste türkiyening igilik hoquqigha qilinghan hujumlar ikenlikini bildürdi.
türkiye awazi radiyosi xewiri: jumhur reis rejep tayyip erdoghan istanbulda «lewent jamesi» ge ul qoyush murasimigha qatnashti we muhim söz qildi.
u: «biz bashqa döletlerning puqralirigha xizmet béridighan ibadetxanilirigha arilashmiduq. bashqilarningmu bizning ibadetxanilirimizgha arilishidighan héchqandaq hoquqi we salahiyiti yoq. dölitimizge qaritilghan eyibleshler igilik hoquqimizgha qilinghan hujum menisige ige» dédi.
u türkiyediki köp sanliqni igileydighan étiqad guruppisi bolghan musulmanlardin bashqa, oxshimighan dinlargha étiqad qilidighan kishilerningmu heq-hoquqini qoghdaydighanliqlirini tekitlep: «milyonlarche kishi diniy étiqadi seweblik hayatigha xewp yétishini öz ichige alghan her türlük bésimgha duchar boluwatidu. eslide, qarap chiqilishi, nazaret qilinishi we tedbir élinishi kérek bolghan ish bu» dédi.
