«türkiye balqan rayonigha dawamliq yardem béridu»
tashqi ishlar ministiri mewlüt chawushoghlu türkiyening balqan rayonida uzaq mezgillik tinchliq we muqimliq ornitish üchün bériwatqan yardimining izchil dawamlishidighanliqini éytti.
1302936
türkiye awazi radiyosi xewiri: chawushoghlu dölet ishliri ziyaritide bolush üchün yétip barghan shiwéytsariyening jenwe shehiride «dunya soda – iqtisad munbiri» gherbiy balqan rayoni bashliqlar yighinigha qatnashti.
u yighindin kéyin ammiwi ortaqlishish tor bétidiki sehipiside, türkiyening balqan rayoni bilen bolghan hemkarliqni yenimu kücheytidighanliqini tekitlep mundaq dédi: «balqan rayonida uzaq mezgillik tinchliq we muqimliq ornitish üchün bériwatqan yardimimiz izchil dawamlishidu.»
u, jenwede girétsiye tashqi ishlar ministiri nikos déndias bilenmu bir yerge jem boldi. uchrishishta, türkiye – girétsiye munasiwetliri we rayonluq özgirishler heqqide özara pikir almashturuldi.
