istanbul saylimida imamoghlu ghelibe qildi
qayta ötküzülgen istanbul saylimida, resmiy bolmighan netijilerge asaslanghanda, jumhuriyet xelq partiyesi (CHP) we iyi (İYİ) partiyesining namzati ekrem imamoghlu ghelibe qildi.
türkiye awazi radiyosi xewiri: aliy saylam komitétining qarari bilen qaytidin ötküzülgen istanbul sheherlik hökümet bashliqi saylimida, resmiy bolmighan netijilerge asaslanghanda, ekrem imamoghlu 4 milyon 741 ming 868, adalet we tereqqiyat partiyesi (AK Parti) ning namzati binali yildirim 3 milyon 935 ming 453 awazgha érishken.
qaytilanghan istanbul saylimida, 10 milyon 570 ming 354 saylighuchidin 8 milyon 925 ming 63 kishi bilet tashlidi. tashlanghan 8 milyon 746 ming 464 awaz küchke ige boldi, 178 ming 599 awaz inawetsiz hésablandi.
resmiy bolmighan netijilerge asaslanghanda, istanbul sheher bashliqliqigha saylanghan ekrem imamoghlu %54.21 awazgha teng bolghan 4 milyon 741 ming 868 béletke, binali yildirim %44.99 awazgha teng bolghan 3 milyon 935 ming 453 béletke érishken.
saadet partiyesining namzati nejdet gökchinar 47 ming 829 béletke, weten partiyesining namzati mustafa ilker yüjel 14 ming 545 béletke érishken.