bu bir heptide 2404 heriket élip bérildi
yéqinqi bir heptide élip bérilghan ichki bixeterlikni qoghdash heriketliride térrorluq teshkilatining bir yuqiri derijilik kattibéshini öz ichige alghan 23 térrorist bir terep qilindi.
türkiye awazi radiyosi xewiri: türkiye ichki ishlar ministirliqi bir heptilik ichki bixeterlikni qoghdash heriketliri toghrisida bayanat élan qildi. ichki ishlar ministirliqining bayanatida, 10-17-dékabir künliri arisida 2404 qétim ichki bixeterlikni qoghdash herikiti élip bérilghanliqi bildürüldi. herikette, bir térrorist ölük halda we 11 i tirik qolgha chüshürülgen, 11i xewpsizlik tarmaqlirigha teslim bolghan.
kök renglik katégoriyede tutush buyruqi chiqirilghan ayshenur injimu bir terep qilinghan térroristlar ichidin orun alghan.
heriket jeryanida, bölgünchi térrorluq teshkilati p k k gha chétishliq 266, fethullahchi térrorluq teshkilatigha chétishliq 421, térrorluq teshkilati daéshqa chétishliq 41 we solchi térrorluq teshkilatlirigha chétishliq ikenliki éniqlanghan 23 kishi tutulghan.
térrorluq teshkilatining teshwiqatini we öchmenlikni qozghash teshwiqatlirini qilghan 233 ijtimaiy taratqu béti tekshürülüp, buninggha chétishliq 201 kishi qanuniy jehettin sürüshte qilinghan.
qalaymiqan köchni tosush dairiside 3821 köchmen tutulghan.
