munbichta ortaq charlash pat arida bashlinidu

türkiye awazi radiyosi xewiri: munbichta türkiye armiye qisimliri bilen amérika qisimlirining ortaq charlash telim-terbiyesi heqqidiki xizmetler axirqi basquchqa yétip keldi.

mesul dairiler ortaq charlashqa munasiwetlik telim-terbiyening eng qisqa waqit ichide bashlinishi üchün, tégishlik xizmetlerning ishliniwatqanliqini bildürdi.

türkiye armiyesi firat qalqini herbiy herikiti sahesi bilen munbich linyeside 53-qétimliq charlash wezipisini orunlighan idi.

türkiye bilen amérikaning 4-iyun hasil qilghan pikir birliki boyiche bolghanda, firat deryasining gherbiy qismida makanlashqan térrorluq teshkilati p k k ning süriyediki gumashtisi p y d|y p g rayondin chiqirilidu؛ ikkinchi basquchta, türkiye bilen amérika qisimliri we istixbarat organliri birlikte munbichta ortaq tekshürüsh élip baridu. üchinchi basquchta, munbichte yerliklerdin teshkillengen hökümet qurulidu. nahiyening xewpsizlikige mesul bolidighan herbiy parlamént bilen sheherge ijtimaiy xizmetlerni sunidighan yerlik parlamént nopusning étnik tarqilishigha asasen qurulidu.

y p g| p k k térrorluq teshkilati 2016-yili helebke qarashliq munbich nahiyesini amérikaning qollishi astida térrorluq teshkilati daéshtin tartiwélip, ishghal qiliwalghan idi. térrorluq teshkilati daéshqa qarshi küreshni bahane qilip y p g|p k k ni izchil qollighan amérika, nahiye merkizi daéshtin tazilanghandin kéyin, y p g|p k k ning nahiyedin chékinidighanliqi toghrisida türkiyege kapalet bergen, biraq buni emelge ashurmighan idi.

erebler  munbich nopusining %90 din köpini teshkil qilidu.