erdoghan: shert - sharait özgerdi... zulumgha uchrighuchilarning sépide turush pozitsiyemiz özgermidi

türkiye awazi radiyosi xewiri: jumhur reis erdoghan niyu yorkqa qarap yolgha chiqishtin ilgiri atatürk ayrodurumida muxbirlarni kütüwélish yighini ötküzdi؛ u, yighinda 72 – nöwetlik b d t  omumiy kéngishi bashliqlar yighini toghrisida toxtilip, «dunyawi tinchliq, xewpsizlik we bayashatliq ornitish boyiche bizmu muhim, dep qaraydighan bezi témilar boyiche yuqiri derijilikler yighinlirimu ötküzülidu. islam hemkarliq teshkilatining nöwetchi reisi süpitide, rohingya musulmanliri alaqe guruppisi yighinigha qatnishimen. dölitimizning qollishi bilen ishitrak qilish derijisi yuqiri kötürülgen bu yighinni, arakanda yüz bergen tiragédiyening xelqara jemiyetning küntertipige kirgüzülüshi nuqtisidin intayin muhim, dep qaraymen. türkiye bolush süpitimiz bilen, bu yighinning arakanliq qérindashlirimizning qiyinchiliqlirigha bir qetre bolsimu chare bolup qélishini tileymiz» dégenlerni qeyt qildi.

erdoghan sözlirini dawamlashturup, «bu méning birinchi qétimliq yighinim emes, birinchi qétimliq yighindin buyan pirinsiplar, shertler özgerdi. biraq, zulumgha uchrighuchilarning sépide turush pozitsiyemiz qetiy özgermidi. bu yilliq yighinimizdimu oxshash pozitsiyemizni dawamlashturimiz» dédi.

«nyu yorkta turush jeryanida, amérika pirézidénti donald trampni öz ichige dölet we hökümet bashliqliri bilen uchrishish ötküzimiz» dégen erdoghan, «hörmetlik tramp bilen ötküzidighan uchrishishqa alahide ehmiyet bérimen. bu uchrishish, heqiqetenmu rayonda halqiliq özgirishler boluwatqan bir peytke toghra keldi. küntertipimizde köpligen muhim mesililer bar. bu uchrishishning her ikki dölet üchün paydiliq we ünümlük bolidighanliqigha ishinimen» dégenlerni sözlirige ilawe qildi.

erdoghan, «b d t  binasining uduligha, nyo yorkning eng merkiziy jaylirining birige yéngi türk öyi salimiz. bu yéngi binamiz, zoriyiwatqan, tereqqiy qiliwatqan, her jehette étibari küchiyiwatqan dölitimizge yarishidighan bir jay bolidu. inshaallah, bu binamizni 36 ay ichide pütküzüshni pilanlawatimiz. 32 qewetlik bu bina heqiqeten meyli b d t  binasining udulida bolushi bilen, meyli awat bir jaygha sélinidighan bolushi bilen, dölitimizning shenige yarishidighan bir xizmet sahesi shekillendürimiz» dédi.

jumhur reis erdoghan, 19 – séntebir seyshenbe küni bashlinidighan b d t  yighinida söz qilidu؛ erdoghan shu küni b d t  bash katipi antonio gutérrésning chüshlük ziyapiti bilen amérika pirézidénti donald trampning ziyapitige ishtirak qilidu. u yene, nyo yorktiki uchrishishliri dairiside, islam hemkarliq teshkilatining rohingya alaqe guruppisi yighinigha qatnishidu. u yene, türk öyi binasining ul téshini qoyup murasimigha ishtirak qilidu.

jumhur reis erdoghan, amérika pirézidénti donald tramp qatarliq bezi döletlerning dölet we hökümet bashliqliri bilen ayrim uchrishishlarni ötküzidu.

u yene, amérika soda – sanaetchiliri we aqsaqalliridin bashqa amérika qoshma ishtatlirida yashaydighan türk we musulmanlar jamaitining wekilliri bilen uchrishidu.