хәвпсизлик күчлири террорчиларға зәрбә бериш сүритини ашурди
шанлиурфаниң вираншәһир наһийәсидә сақчиларниң «тәслим бол» дегән чақириқлириға оқ чиқирип җаваб қайтурған 4 террорчи, йүз бәргән тоқунушта уҗуқтурулди.
түркийә авази радийоси хәвири: шанлиурфа вилайәтлик сақчи идарисиға қарашлиқ терроризмға қарши күрәш шөбә башқармиси хадимлири тәкшүрүш елип берип, PKK террорчилириниң дәмирҗи мәһәллисигә йошурунувалғанлиқини ениқлап чиқти؛ террорчиларни қолға чүшүрүш үчүн һәрикәткә өткән сақчиларниң «тәслим бол» дегән чақириқлириға өйдики террорчиларниң қорал арқилиқ җаваб қайтуруши нәтиҗисидә тоқунуш йүз бәрди, тоқунушта PKK террорлуқ тәшкилатиниң тағ унсурлиридин 4 террорчи өлүк һаләттә қолға чүшүрүлди.
йәнә бир тәрәптин, хәвпсизлик күчлири тунҗәли алибоғази вадисида һава вә қуруқлуқтин һәрикәт елип берип, 14 панаһлиниш орнини битчит қилди вә PKK террорлуқ тәшкилатиға әза 8 террорчини өлүк һаләттә қолға чүшүрди.
мардинниң нусайбин наһийәсидиму сүрийә чеграсидин бомба вә оқ – дора елип киришкә урунуватқан бир түркүм террорчилар, хәвпсизлик күчлири билән тоқунуши җәрйанида уҗуқтурулди.
терроризмға қарши күрәш сүритини ашурған хәвпсизлик күчлири, пәқәт нойабир ейидила PKK террорлуқ тәшкилатиниң 317 әзасини уҗуқтурди.
