«мән диктатор болған болсам, хәлқим әркин - азадә йашийалмиған болатти»

түркийә авази радийоси хәвири: әрдоған «‹әлҗәзирә› телевизийә қанили» ниң зийаритини қобул қилғанда бәргән байатиниң давамида, «диктатор» дегәндәк өзигә қаритилған әйибләшләрниң дунйадики һеч уйғун болмиған идиологийәниң мәһсули икәнликини қәйт қилди, бир дөләт башлиқиниң диктатор болуши үчүн, алди билән шу дөләттики йашаш шараитлириниң охшимиған усулда шәкиллиниши, инсанларниң әркин – азадә һалда йашийалмаслиқи, ой – пикирлирини әркин – азадә һалда оттуриға қойалмаслиқи, диний етиқад әркинликиниң болмаслиқи қатарлиқ әһвалларниң оттуриға чиқиши лазимлиқини тәкитләп мундақ деди: «мениң дөлитимдә бундақ бир мәсилә мәвҗут әмәс. дәрвәқә, һәммә ой – пикирлирини әркин - азадә һалда оттуриға қойалайду, қандақ халиса, шундақ йашийалайду, қандақ кийинишни халиса, шундақ кийинәләйду, халиғиничә йәп – ичәләйду. қисқиси, мениң хәлқим һәммә җәһәттин әркин - азадә йашаш һоқуқи игә. чүнки, биз һечқандақ бир ишқа чәклимә қойғинимиз йоқ. түркийә чәклимиләр билән толуп – ташқан бир дөләтму әмәс. ахирқи 14  йилни һесабқа алмиғанда, түркийә һечқачан бунчилик әркинлик, һузур – һалавәт, раһәт – парағәт вә һәқ – һоқуқларға еришип баққан әмәс.»