türkiye amérikaning p y d siyasitige naraziliq bildürdi
tashqi ishlar ministirliqining bayanatchisi tanju bilgich amérika tashqi ishlar ministirliqi bayanatchisi jon kirbining türkiye bilen p y d gha qilghan top étishni toxtitish chaqiriqini tenqid qildi.
türkiye awazi radiyosi xewiri: türkiye tashqi ishlar ministirliqining bayanatchisi tanju bilgich bügün (15 – féwral) muxbirlarni kütüwélish yighini chaqirdi. u: «jon kirbining amérikining ititpaqdishi bolghan türkiye bilen térrorluq teshkilati p y d ni oxshash orungha qoyghan bayanatigha qattiq heyran qalduq» dédi. u kirbining sözlirini qattiq eyibleydighanliqlirini bildürdi.
u térrorluq teshkilati p k k ning süriyediki gumashtisi bolghan p y d ning bügün hataydiki chégra ponkitigha qilghan hujumigha, hessilep jawab qayturulghanliqini bildürdi. u türkiyening p y d gha qaratqan siyasitining nahayiti roshen ikenlikini؛ amérika muawin pirézidénti jo baydinning yanwar éyidiki türkiye ziyaritide, uninggha p y d ning térrorluq teshkilati p k k bilen bolghan munasiwetlirini ispatlaydighan delillerni bergenliklirini xatirilitip ötti.
u p y d ning aziz rayoni we mötidil öktichilerge qilghan hujumlirini qobul qilishning mumkin emeslikini eskertti. u süriyege quruqluq herikiti élip bérish mesiliside hazirche qarar chiqmighanliqini bildürdi. u: «seudi erebistan ayropilanliri konyada meshiq uchushi qiliwatidu» dédi.
türkiye armiyesi hepte axiri chégragha bir qanche kilométir kélidighan aziz nahiyesining etrapidiki p y d nuqtilirini qattiq bombardiman qilghan idi.
