07.05.2024

türkiye awazi radiyosi: «‹hörriyet› géziti», dölitimiz (türkiye jumhuriyiti) jumhur reisi rejep tayyip erdoghanning, iraq we süriyede dawamlishiwatqan herbiy heriketler netijiside térrorluq paaliyetlirini élip bérish sahesi barghanséri tariyiwatqan bölgünchi térrorluq teshkilati p k k gha téximu ejellik zerbining aldimizdiki basquchta bérilidighanliqini tekitlep mundaq dégenlikini yazdi:

«imkaniyetning bariche tirishchanliq körsitip, ewladlirimizning  térrorizmdin xaliy bir muhitta yashishigha kapaletlik qilimiz.»

«‹sabah› géziti», dölitimiz (türkiye jumhuriyiti) jumhur reisi rejep tayyip erdoghanning, hamasning urush toxtitish qararidin xursen ikenliklirini, israiliyeningmu oxshash qedemni bésishi kéreklikini tekitlep mundaq dégenlikini oqurmenlirining diqqitige sundi:

«barliq gherb aktiyorlirini israiliye hökümitige bésim ishlitishke chaqirimen.»

«‹sitar› géziti», türkiye jumhuriyiti dölet mudapie ministiri yashar gülerning, türkiye armiyesining bashqa döletler üchün ülge ikenlikini tekitlep mundaq dégenlikini xewer qildi:

 «biz qollawatqan qérindash döletler bizdin özliri üchün türkiyege oxshash qoralliq küch sistémisi berpa qilip bérishimizni kütmekte.»

«‹weten› géziti», «türkiyening aptomobil éksporti aprél éyida ashti» serlewhilik xewiride, töwendiki uchurlarni oqurmenlirining diqqitige sundi:

türkiyening aptomobil sanaiti sahesining aprél éyidiki  ékisporti bulturqi oxshash mezgildikige sélishturghanda % 2.1 éship , 2 milyard 746 milyon dollargha yetti. türkiyening éksport sahesining birinchi orunda turidighan aptomobil sanaiti sahesi dölet éksportida % 16.8 ni igilidi.

«‹yéngi shepeq› géziti», «türk alimlarning mislisiz muweppeqiyiti» serlewhilik xewiride, töwendiki melumatlargha orun ajratti:

türk alim murat gökche we uning ayali ximiye inzhénéri sonnur gökche ijad qilghan «modulluq ballistik légo béton» eskerler teripidin hawa mudapiesi sistémisi arqiliq sinaq qilindi. 14.5 millimétirliq sawutni téship ötidighan oq légo béton teripidin toxtitildi.