29.03.2024

türkiye awazi radiyosi: «weten» géziti: türkiye jumhuriyiti dölet mudapie ministirliqiining axbarat élan qilish yighini échip, yéqinqi bir heptide iraq we suriyening shimalini öz ichige alghan rayonlarda 38 térorchining bir terep qilinghanliqini uqturghanliqini yazdi.

gézitning xewiride körsitilishiche, 2024-yili 1-yanwardin buyan 268 nepiri iraqning, 378i süriyening shimalida bolup, jemiy 646 ge yetken.

«sabah» géziti: türkiye jumhuriyiti apet we jiddiy ishlarni bir terep qilish idarisi bilen fondi jemiyetliri bash idarisi hemkarliship teyyarlighan 8-insanperwerlik yardem paraxotining 2960 tonna yardem eshyasini élip mersin portidin ghezzege qarap yolgha chiqqanliqini yazdi.

«hürriyet» géziti: qoral we oq-dora ishlepchiqirish jehette dunyaning aldinqi qatardiki döletlirining birige aylanghan türkiyening, amérikaning eng chong zembirek oqi ékisportchisi bolghanliqini؛ amérikaning armiyesi üchün kéreklik bolghan minglarche 155 millimétirliq zembirek oqini türkiyedin sétiwéliwatqanliqini xewer qildi.

«yéngi shepeq» géziti: enqere bilkent sheher doxturxanisi biyo-ximiye tejribixanisi kordinatori piroféssor doktor özjan erel ijad qilghan bedendiki ximiyelik bésimni ölcheydighan yerlik tekshürüsh qoralining dunyadiki 20 nechche döletke éksport qiliniwatqanliqini yazdi.

«xabertürk» géziti: xitay iqtisad supisi «Hurun Report»ning «yershari baylar tizimliki» sanliq melumatlirigha asaslanghanda, dunyadiki eng köp milyardérlarning niyuyork we londonda yashaydighanliqi, türkiyening istanbul shehirining bolsa, bu jehette dunya boyiche 25-, yawropa boyiche 5- ikenliki toghrisidiki uchurlarni oqurmenliri bilen ortaqlashti.