28.03.2024
bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:
«höriyet géziti», jumhur reis rejep tayyip erdoghanning térorluqqa qarshi küreshte muweppeqiyetlik netijige érishkenlikini tekitlep: «biz <daésh> déyilidighan émpiryalistlarning oyunchuqlirigha köz achturmay kéliwatimiz. p k k nimu chégralirimiz ichide paaliyet we heriket qilalmaydighan halgha keltürduq» dégenlikini xewer qildi.
«yéngi shepeq géziti», «tashqi ishlar ministirliqi gérmaniyege: <kéreklik bolghanni qilinglar> dep chaqiriq élan qildi» serlewhilik xewiride, munu uchurlargha orun ajratti:
türkiye gérmaniyediki térorluq teshkilati p k k ning qollighuchilirining hannowér bash konsulxanisigha qilghan hujumigha naraziliq bildürdi. tashqi ishlar ministirliqi türkiye puqraliri we diplomatik wakaletxanilirining bixeterlikige gérmaniye dairilirining mesul ikenlikini tekitlidi hemde yawropadiki türk jamaitige qutratquluq qilishni meqset qilghan heriketlerge yol qoymasliqi kéreklikini eskertti.
«star géziti», tashqi ishlar ministiri xaqan fidanning yawropada térrorluqni qollighuchilar keltürüp chiqarghan weqelerge qarita, «biz p k k gha zerbe bergensiri bulunggha qistalmaqta. bulunggha qistalghansiri bu qétimgha oxshash uzun yillardin buyan ulargha yol qoyghan döletlerde térrorluq wehimisi yaratmaqta» dégenlikini xewer qildi.
«sabah géziti», «türkiye 117 döletke uruq éksport qilmaqta» serlewhilik xewiride, munu uchurlargha orun ajratti:
déhqanchiliq we ormanchiliq ministiri ibrahim yumakli türkiyening uruq ishlepchiqirishtiki aldinqi 10 döletning birige aylanghanliqini tekitlep, «biz dunyadiki 117 döletke uruq éksport qilmaqtimiz» dédi.
«xeber türk géziti», «türkiyening iqtisadi dawamliq éshiwatidu» serlewhilik xewiride, xelqara kridétni derijilendürüsh orgini <Standard & Poor> ning türkiyege qaratqan éshish mölcherini yuquri kötürgenlikini, türkiyening éshish mölcherini 2024 – yilda %2.4 tin %3 ke, 2025 – yiligha bolghan, %2.7 lik texmininimu %3 ke östürgenlikini yazdi.
