27.03.2024

türkiye awazi radiyosi: «hörriyet géziti», tashqi ishlar ministirliqi bélgiyede térrorluq teshkilati p k k ning qollighuchilirining türklerning jameliri we jemiyetlirige qiliniwatqan hujumlirigha yéqindin diqqet qiliwatqanliqini, ministir xaqan fidanning bélgiye tashqi ishlar ministiri bilen alaqileshkenlikini xewer qildi.

«weten géziti», istanbulning bu yil (2024) ning deslepki ikki éyida 2 milyon 457 ming 518 chet ellik sayahetchini kütüwalghanliqini xewer qildi.

xewerde, istanbulgha kelgen chet ellik sayahetchiler sanining ötken yil (2023) ning oxshash mezgilige sélishturulghanda %8.08 ashqanliqi we eng köp kelgen chet ellik sayahetchilerning ruslar ikenliki qeyt qilindi.

«star géziti», türkiye awiyatsiye we alem sanaiti shirkiti yasighan «3-anka» (ANKA III) uchqusining üchinchi qétim sinaq qilinghanliqini xewer qildi.

xewerde, «3-anka» uchqusining ikki saet sinaq uchushini ghelibilik axirlashturghanliqi bildürüldi.

«xeber türk géziti», türkiye ayallar waliybol komandisining ezasi eda erdem dündarning amérka tashqi ishlar ministirliqi teripidin «xelqara jesur ayallar» mukapatigha layiq körülgenlikini xewer qildi.