26.03.2024

türkiye awazi radiyosi: «yéngi shepeq géziti», jumhur reis rejep tayyip erdoghanning chorumda söz qilghanda, «türkiyeni bölgüchi térrorluq teshkilati balasidin qutquzghiche kürishimizni dawamlashturimiz. térroristlarning uwisini béshigha yiqtuq, süriyede élip barghan herby heriketlirimiz bilen barliq hujumlarni meghlub qilduq, wetinimizni qalaymiqan qilish pilanini tarmar qilduq» dégenlikini xewer qildi.

«star géziti», sanaet we téxnologiye ministiri fatih kajirning, «2024-yili 8-iyul heptiside türkiyening tunji xewerlishish süniy hemrahi <6A -türksat> ni alemge qoyup bérimiz. buning bilen, dunyada özining xewerlishish süniy hemrahini özi yasiyalaydighan 11 döletning birsige aylinimiz» dégenlikini xewer qildi.

«hörriyet géziti», medeniyet we sayahet ishliri ministiri mehmet nuri ersoyning bu yil (2024) «türkiye medeniyet yoli féstiwali» ramkisida 6 mingdin köp her xil paaliyetning ötküzülüshi mumkinlikini bildürüp, «sekkiz aygha sozulidighan medeniyet-senet marafonida, türkiye féstiwal iqlimini yashaydu. dunyada buninggha sélishturghili bolidighan bashqa féstiwal yoq» dégenlikini xewer qildi.

«sabah géziti», istanbulning yawropa, jenubiy amérika we afriqadiki nurghun sheherler bolghan «dunyadiki eng yaxshi putbol sheherliri tizimliki» de, toqquzinchi orunda turghanliqini xewer qildi.