25.12.2023

türkiye awazi radiyosi: «xeber türk géziti», jumhur reis rejep tayyip erdoghanning shimaliy iraqtiki «penche-qulup herbiy herikiti rayoni» da chiqqan étishishta shéhit bolghan eskerler üchün teziye télégrammisi élan qilghanliqini xewer qildi.

xewerde, rejep tayyip erdoghanning éks (X) adrésida, «bölgünchi peskeshlerdin tökülgen qanning hésabi misli bilen soraldi we soruluwatidu. térrorluqni yiltizidin qurutush istratégiyemizni axirqi bir térrorist bir terep qilinghiche qetiylik bilen ijra qilimiz» dégenliki qeyt qilindi.

«hörriyet géziti», türkiye istixbarat idarisining bölgünchi térrorluq teshkilati p k k|y p g ning atalmish ayn elereb mesuli «bahoz afrin» kod isimlik térroristni süriyede bir terep qilghanliqini xewer qildi.

«sabah géziti», dölet mudapie ministiri yashar gülerning tünügün (24-dékabir) iraq chégra linyesige barghanliqini xewer qildi.

xewerde, ministir yashar gülerning «penche-qulup herbiy herikiti rayoni» diki hujumdin kéyin bir terep qilinghan térroristlar sanining 30 gha chiqqanliqini éytqanliqi bildürüldi.

«star géziti», ichki ishlar ministiri eli yerlikayaning bölgünchi térrorluq teshkilatigha eza térroristlarning yéza-qishlaqlarda qish aylirida térrorluq herikiti qilish meqsitide ghar we panahlinish jaylirigha yoshurghan her xil qoral-yaragh, oq-dorilarni yoqitish üchün élip bérilghan «35-qehrimanlar» namliq herbiy herikette, 10 wilayette 58 ghar we panahlinish jaylirining yoqitilghanliqini élan qilghanliqini xewer qildi.