22.11.2021

türkiye awazi radiyosi: «star géziti», türkiye tashqi ishlar ministirliqi bayanatchisi tanju bilgichning  girétsiye tashqi ishlar ministiri nikos déndiyasning türkiye heqqide élan qilghan bayanatigha inkas qayturghanliqini xewer qildi.

xewerde, tanju bilgichning, «türkiyening rayonida we yéqin etrapida tinchliq hemde muqimliqning ornitilishida oynawatqan achquchluq roligha chidiyalmighan girétsiyening, türkiye bilen her bir mesilide riqabetlishishke urunushi, hemkarlishishning ornigha yirikchilikni tallishi we türkiyege qarshi süniy ittipaqlar peyda qilishqa urunushi, bihude ishlardur» dégenliki qeyt qilindi.

«xeber türk géziti», liwiyening sherqide asassiz eyibleshler bilen texminen ikki yildin buyan tutup turuluwatqan yette türk puqrasining, türkiye milliy istixbarat idarisining qatar istixbarat idarisi bilen birlikte küch chiqirishi netijiside, türkiyege qayturup kélingenlikini xewer qildi.

xewerde, türkiye jumhur reisi rejep tayyip erdoghanning ular bilen  téléfonda körüshkenliki bildürüldi.

«sabah géziti», türkiyening mudapie sanaitide, bolupmu uchquchisiz hawa apparati téxnologiyeside dunyada örnek boluwatqanliqini xewer qildi.

xewerde, jenubiy koréyening amérikadin sétiwalghan uchquchisiz hawa apparatlirini türkiyede sinaq qlishni telep qiliwatqanliqi bildürüldi.

«yéngi shepeq géziti», sakarya tebiiy gaz meshghulat rayonidiki «2-türkeli» quduqida qilinghan gaz yetküzüsh siniqida, künlük miqdarining 650 ming kub métirgha yetkenlikini xewer qildi.

«hörriyet géziti», türkiyening muhim sayahet merkezliridin biri bolghan aydin wilayitining kushadasi nahiyesige 2022-yilini öz ichige alghan halda 650 yoluchilar paraxoti bilen 750 ming sayahetchining tizimlatqanliqini xewer qildi.