29.06.2021

türkiye awazi radiyosi: «xeber türk géziti», türkiye jumhur reisi rejep tayyip erdoghanning enqere gölbashidiki «türksat süniy hemrahi merkiziy» de, muhim söz qilghanliqini xewer qildi.

xewerde, jumhur reis rejep tayyip erdoghanning, «dijital dewrining imkaniyetlirini xelqimizning xizmitige nurghun tereqqiy qilghan döletlerdin baldur muweppeqiyet qazanduq. bolupmu, sanaettin sodighiche, ijtimaiy xizmetlerdin maarip we xelq saqliqighiche bolghan sahelerde dijital asasiy ul-eslihelerni téximu tereqqiy qildurushta qetiy qarargha igimiz» dégenliki qeyt qilindi.

«hörriyet géziti», ejzajibashi guruhi mudiriyitining bashliqi bülent ejzajibashining, türkiyening 2010-yillarning deslepki yérimighiche dunyaning parlighan yultuzi süpitige layiq shekilde iqtisadiy éshishni qolgha keltürgenlikini bildürüp, bundin kéyinmu oxshash éshishni qolgha keltüreleydighan iqtidargha ige ikenlikini tekitligenlikini xewer qildi.

«weten géziti», rusiye-türkiye soda-sanaetchiler kéngishi bashliqi ehmet palankoyéwning, rusiyelik meblegh salghuchilarning mughlaning sayahet merkizi bodrum nahiyesige 83 milyon dollar meblegh sélip, yürüshleshken tenterbiye we köngül échish merkezlirini achidighanliqini xewer qildi.

«yéngi shepeq géziti», 23-iyundin 27-iyunghuche (2021) échilghan yawropadiki töt chong yéza iglik yermenkilirining biri bolghan izmir agroékspo (Agroexpo) xelqaraliq yéza igiliki we charwichiliq yermenkiside, türkiye shirketlirining 900 milyon dollardin ashidighan kélishimlerni imzalighanliqini xewer qildi.

xewerde bildüürlishiche, yermenkige 100 dölettin 774 shirket qatnashqan bolup, firansiye, rusiye, hindistan we qatar shirketlirining yermenkige bolghan qiziqishi alahide bolghan.

«star géziti», bir qanche aydin buyan yawropadiki eng köp ayropilan seperlirige sahibxanliq qilghan istanbul ayrodurumining, 25-26-27-iyun künliri 100 mingdin artuq yoluchini kütüwalghanliqini xewer qildi.