13.05.2021

türkiye awazi radiyosi: «star» géziti: «jumhur reis erdoghan: islam düshmenliki wirusi bolupmu yawropada téz tarqiliwatidu  (dédi)» serlewhilik xewiride, jumhur reis rejep tayyip erdoghanning «birleshken döletler teshkilati (b d t)da yillardin buyan qiliwatqan <dunya beshtin chong> dégen chaqiriqimizning orunluq chaqiriq ikenlikige hemme birlikte guwah bolduq» dégen sözlirige orun berdi.

gézitning xewiride körsitilishiche, kowid – 19 yuqumigha oxshashla xeterlik bolghan islam düshmenliki wirusining bolupmu yawropa döletliride téz sürette tarqiliwatqanliqini biildürgen erdoghan: «alte milyoni türk bolup 35 milyon musulman yashaydighan yawropa, nöwette asta - asta u yerdiki qérindashlirimizgha üsti ochuq türmige aylanmaqta» dégen.

«sabah» géziti: «islam hemkarliq teshkilati türkiyening teshebbusigha asasen yighin chaqirdi» serlewhilik xewiride, islam hemkarliq teshkilati wekiller komitétining 11- may türkiyening teshebbusigha asasen yighin chaqirghanliqi we yighin axirida, israiliyening hujumlirining eyiblengenliki, (pelestinliklerning) xelqaraliq qoghdash kapaliti astigha élinishi, shundaqla israiliyening sadir qilghan jinayetlirining jawabkarliqining sürüshte qilinishini telep qilghanliqi toghrisidiki uchurlargha orun berdi.

  «yéngi shepeq» géziti: «biz pelestinning türkiyening muhim ishlirining biri ikenlikini yene bir qétim körduq» serlewhilik xewiride, quddusni qoghdash komitéti bashliqi nasir elhimdining «pelestinning türkiyening muhim ishlirining biri ikenlikini yene bir qétim körduq» dégen sözlirige orun berdi.

gézitning xewiride körsitilishiche, türkiyening bu mesilide xelqara sehnide her daim bir qedem aldida turuwatqanliqini bildürgen himdi: «türkiye we jumhur reisi erdoghangha minnetdarliq bildürimen» dégen.

«weten» géziti: «birla qétimda 12 rakéta» serlewhilik xewiride, türkiye jumhuriyiti jumhur reislik mehkimisi mudapie sanaiti idarisi bashliqi ismail demirning: «BMC shirkiti ishlepchiqarghan <wuran> namliq aptomobilgha seplengen 107 millimétirliq köp sitwolluq rakéta qoyup bergüchi nishangha muweppeqiyetlik  zerbe bérip sinaqtin ötti. birla qétimda 12 rakéta qoyup bérish iqtidarigha ige köp sitwolluq rakéta qoyup bergüchi türkiye armiyesining xizmitide» dégen sözlirige orun berdi.

«hörriyet» géziti:«aprél éyida turalghu sétish nisbiti %124 ashti» serlewhilik xewiride, aprél éyida türkiyening herqaysi jaylirida 95 ming 863 öy – mülük sétilghanliqini, sétilish miqdarining bulturqigha sélishturghanda %124 ashqanliqini yazdi.

xewerde körsitilishiche, chet elliklerning turalghu sétiwélish nisbiti aldinqi yilining oxshash éyigha sélishturghanda %416.1 éship, 4 ming 77 ge yetken.