27.04.2021

türkiye awazi radiyosi: «xeber türk géziti», türkiye jumhur reisi rejep tayyip erdoghanning tünügün (2021-yili 26-aprél) kabént yighinidin kéyin élan qilghan bayanatida, amérika pirézidénti jo baydinning atalmish 1915-yil weqelirini «irqiy qirghinchiliq» dep atighanliqigha qarshi «muwazinetsiz, adaletsiz atash» dégenlikini xewer qildi.

xewerde, rejep tayyip erdoghanning «türkke, türk millitige ‹irqiy qirghinchiliq› tamghisini uralmaysiler» dégenliki eskertildi.

«sabah géziti», jumhur reislik uchur-alaqe idarisining bashliqi fahrettin altunning amérika pirézidénti jo baydinning 1915-yil weqelirini «irqiy qirghinchiliq» dep atighanliqigha naraziliq bildürgenlikini xewer qildi.

xewerde, fahrettin altunning, «amérika pirézidénti jo baydinning atalmish irqiy qirghinchiliq yalghanlirini ret qilimiz. teleysiz we heddini bilmigen bayanat süpitide körimiz» dégenliki qeyt qilindi.

«hörriyet géziti», ichki ishlar ministiri süleyman soyluning tünügün twittérda uchur hembehirlep, 26-aprélda 2 ming 550 xadimning qatnishishi astida bashlanghan «5-eren bagok» herbiy herikiti ramkisida, mardinning nusaybin koruköy yézisida 50 kilogiram plastik partlighuch we suniy usulda yasalghan partlatquchlarni qolgha chüshürgenliklirini bildürgenlikini xewer qildi.

«star géziti», sanaet we téxnologiye ministiri mustafa warankning tünügün twittérda élan qilghan bayanatida, türkiyening yasash sanaiti iqtidaridin paydilinish nisbitining aprél éyida (2021) bir ay ilgirikige qarighanda %0.6 éship %76.2 ke yetkenlikini bildürgenlikini xewer qildi.