26.04.2021

türkiye awazi radiyosi: «‹weten› géziti», «jumhur reis rejep tayyip erdoghandin chanaqqele signali» serlewhilik xewiride, munu uchurlarni  oqurmenlirining diqqitige sundi:

jumhur reis rejep tayyip erdoghan, chanaqqele urushlirining 106 – yilliqi munasiwiti bilen élan qilghan bayanatida, «chanaqqele rohini yashitishni we dölitimizning kélechikini téximu qudret tapquzushni qetiy irade bilen dawamlashturimiz» dédi.

«‹yéngi shepeq› géziti»,  «térrorluq nishanliri yer bilen yeksan qiliwétildi» serlewhilik xewiride, töwendiki uchurlargha orun ajratti:

iraqning shimalidiki bölgünchi térrorluq teshkilati p k k unsurlirigha qaritilghan «penje – chaqmaq» we «penje güldürmama» herbiy heriketliri dawamlashmaqta. türkiye dölet mudapie ministirliqi teripidin élan qilinghan bayanatta, «<penje – chaqmaq> we <penje -  güldürmama> herbiy heriketliri dairiside, térrorchilarning uwilirigha kirildi, hawa armiyemiz térrorluq nishanlirini yer bilen yeksan qiliwetti» déyildi.

«‹star› géziti», «tatar: <türkiye bu yerde söz sahibidur, heq – hoquqlirimizning depsende qilinishigha yol qoymaydu> dédi» serlewhilik xewiride, munu uchurlargha orun ajratti:

shimaliy qibris türk jumhuriyiti jumhur reisi ersin tatar, girétsiyede chiqidighan «‹Kathimerini› géziti» bilen ötküzgen söhbitide,  türkiye bilen köp yönilishlik menpeetlirining barliqini tekitlep, «türkiye qudretlik bir dölettur, bu döletning kapaletchisidur, ana wetinidur, bu yerde söz sahibidur,  heq – hoquqlirimizning depsende qilinishigha yol qoymaydu» dédi.

«‹höriyet› géziti», «aqsungurdin mislisiz muweppeqiyet» serlewhilik xewiride, töwendiki uchurlarni oqurmenlirining diqqitige sundi:

türkiye dölet mudapiesi sanaiti orginining bashliqi ismail demir, aqsungur qoralliq uchquchisiz hawa apparatlirining, tunji qétim 340 kilogiram éghirliqtiki « KGK-SİHA-82» ni 30 kilométirliq musapidiki nishangha muweppeqiyetlik tegküzgenlikini uqturdi.

«‹sabah› géziti»,  «milliy chélishish mahiri riza qayalp 10-qétim yawropa chémpiyoni boldi» serlewhilik xewiride, munu uchurlargha orun ajratti:

milliy chélishish mahiri riza qayalp, yawropa chélishish lewhe talishish musabiqiside, 130 kilogiramliqlar boyiche,  giruziyelik reqibi lakobi kajajani yéngip altun médalgha érishti we kespiy hayatida 10-qétim yawropa chémpiyoni boldi.