25.01.2021
bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:
türkiye awazi radiyosi: «weten» géziti: «déngiz charlash ayropilani tunji wezipisini ijra qildi» serlewhilik xewiride, déngiz armiyesi qomandanliq ishtabining eslihelirige qatarigha seplengen TCB - 751 quyruq nomurluq P - 72 déngiz charlash ayropilanining tünügün tunji wezipisini ijra qildi. wezipe ijra qilinghanliqini yazdi.
gézitning xewiride körsitilishiche, dölet mudapie ministiri xulusi aqar armiye bash ishtab bashliqi général yashar güler we quruqluq armiyesi qomandani général ümid dündar bilen birlikte ayropilanni közdin kechürgen.
«yéngi shepeq» géziti: «ministir dönmez: fatih burghilash paraxoti yéngi békitide (dédi)» serlewhilik xewiride, énérgiye we tebiiy bayliqlar ministiri fatih dönmezning tünügün bayanat bérip, fatih burghilash paraxotining qara déngizdiki yéngi békiti bolghan türkali-2 quduqigha yétip barghanliqini uqturghanliqini we sözini dawamlashturup: «paraxotimiz teyyarliqlarni tamamlighandin kéyin sakarya tebiiy gazliqidiki xizmitini bashlaydu, qara déngiz fatihi xizmitini üzüldürmey dawamlashturidu» dégenlerni qeyt qilghanliqini oqurmenliri bilen ortaqlashti.
«star» géziti: «trabzon qara déngizning 2020 - yilliq éksportida aldinqi orunni igilidi» serlewhilik xewiride, sherqiy qara déngiz éksportchilar birleshmisining sanliq melumatlirigha qarighanda, bultur qara déngizdiki 18 ölkidin töt milyard 486 milyon 225 ming 629 dollarliq mehsulat éksport qilinghanliqini, bularning ichide trabzonning 1 milyard 60 milyon 807 ming 778 dollarliq ülüsh bilen rayon éksportining %24 ni igilep, birinchi qatardin orun alghanliqini yazdi.
«xabertürk» géziti: «demirjining qolda toqulghan gilimi yiraq sherq bazirigha qarap yolgha chiqti» serlewhilik xewiride, manisaning demirji nahiyesining qolda toqulghan gilemlirining dölet ichi we yawropa bazarliridin kéyin, xitay we yaponiye bazarlirighimu ewetilishke bashlighanliqi toghrisidiki uchurlargha orun berdi.
«hörriyet» géziti: «mesut özil resmiy yosunda fenerbahchede» serlewhilik xewiride, fenerbahche komandisining mesut özil bilen üch yérim yilliq toxtam imzalighanliqini «bir arzu emelge ashti» mawzuluq bir bayanat arqiliq élan qilghanliqini yazdi.
