türkmenistan milliy rehbiri erdoghangha minnetdarliq bildürdi

türkiye awazi radiyosi xewiri: berdimuhemmedow TRT Haber qanilining soallirigha jawab bergende, türkiye ichi-sirtida hörmetke sazawer bolghan we milyonlarche körürmini bar TRT Haber qanili bilen söhbet ötküzüshning xushallinarliq ish ikenlikini, uning özige türkiy döletler otturisidiki munasiwetler heqqidiki köz qarishini bayan qilish pursiti bergenlikini éytti.

berdimuhemmedow türk xelqlirining yiltizining bir ikenlikini eskertip: «bu ehwal bizning özara munasiwitimizge alahide mene béghishlaydu. gerche biz musteqil, igilik hoquqluq döletler bolsaqmu, emma bizning uzun muddetlik ortaq nishan we menpeetimiz barliqini untup qalmaymiz» dédi.

türkmenistan milliy rehbiri berdimuhemmedow özining türk döletliri teshkilatini, türk döletliri otturisidiki iqtisadiy, medeniyet hemkarliqini kücheytishni meqset qilidighan bir teshkilat, shundaqla uni istiqballiq we ishenchlik xelqaraliq shérik dep qaraydighanliqini bildürdi.

berdimuhemmedow jumhur reis erdoghanning ikki tereplik munasiwetning tereqqiyatigha köngül bölüshi we bu jehettiki sezgürlükidin minnetdar ikenlikini tilgha élip: «yéqinda türkmenistan pirézidénti (serdar berdimuhemmedow)ning janablirini (jumhur reis erdoghanni) <türkmen xelqining pexriy aqsaqili> dep jakarlishi jumhur reis erdoghanning türk dunyasigha qilghan xizmetlirini tekitlesh mahiyitige ige idi» dédi.