shiwéytsariyede türk heptiliki paaliyiti ötküzülmekte

türkiye awazi radiyosi xewiri: türk medeniyitini tonushturush meqsitide dawamlishiwatqan paaliyet dairiside, dunya bilim-mülük hoquqi teshkilati binasida gala konsérti bérildi.

türk döletliri teshkilati, xelqara türk medeniyiti teshkilati,  türkiy tillirida sözlishidighan döletler parlamént ezaliri mejlisi, herqaysi teshkilatlarning wekilliri we parlamént ezaliri paaliyetke qatnashti.

gala konsérti paaliyitide, türk dunyasidiki 7 dölettin kelgen senetchiler konsért berdi, ussul nomurlirini körsetti.

kéyinche méhmanlargha türk dunyasining mezzilik taamliri ikram qilindi.

igilinishiche, türk dunyasining mol medeniyet mirasliri, seniti we türk hemkarliq teshkilatlirining paaliyetlirini tonushturush meqset qilinghan, 22-aprél jenwede bashlanghan «türk heptiliki» pirogrammisi  25-aprélghiche dawamlishidiken.