antoni blinkén ezerbeyjanning chégra belgilesh kélishimini tebriklidi
amérika tashqi ishlar ministiri antoni blinkén ezerbeyjan bilen erméniye otturisida hasil qilinghan chégra belgilesh kélishimini qollaydighanliqlirini bildürdi.
türkiye awazi radiyosi xewiri: ezerbeyjan pirézidénti ilham eliyéw we amérika tashqi ishlar ministiri antoni blinkén téléfonda körüshti.
ezerbeyjan pirézidéntliq mehkimisi teripidin élan qilinghan bayanatta, blinkénning pirézidént ilham eliyéwge téléfun qilip, erméniye bilen ezerbeyjan otturisida chégra belgilesh kélishimi hasil qilinghaliqi üchün tebrikligenliki we buni amérikaning qollap quwwetleydighanliqini tekitligenliki bildürüldi.
pirézidént ilham eliyéw söhbette, ikki döletning chégra ayrish komitéti hasil qilghan kélishimning diyalog we özara chüshinish ichide élip bérilghan muzakirelerning netijisi ikenlikini eskertti.
chégra belgilesh xizmitining bashlinishining ijabiy qedem ikenlikini bayan qilghan eliyéw, ezerbeyjanning tinchliqni qoghdash jehettiki qetiy iradisini tekitlidi.
söhbette yene, ikki tereplik munasiwetni kücheytish, kishilik hoquq, énérgiye we kilimat (2024-yilliq birleshken döletler teshkilati klimat özgirish yighini) qatarliq sahelerdiki hemkarliq qatarliq mesililer muzakire qilindi.
مۇناسىۋەتلىك خەۋەرلەر
türkiye qirim tatarliri sürgini we cherkez sürgünini xatirlep bayanat élan qildi
türkiye qirim tatarliri we kawkazdiki qérindash xelqlerning azabini ortaqlishidighanliqini bildürdi.
