numan qurtulmush qazaqistan we özbékistanda resmiy ziyaretni bashlidi

türkiye awazi radiyosi xewiri: numan qurtulmushning  uchrishishlirida, qazaqistan we özbékistan bilen bolghan mewjut hemkarliqlar shundaqla parlaméntlar ara munasiwetlerni yenimu ilgiri sürüsh üchün kéreklik xizmetler muzakire qilinidu. türk dunyasi bilen bolghan munasiwetlerdin bashqa yene rayon xaraktérliq we xelqaraliq mesililer heqqide pikir almashturulidu.

türkiye büyük millet mejlisi (parlaménti) bashliqi numan qurtulmush 19-maydin 21-mayghiche bolghan ariliqta qazaqistanning paytexti astanade qazaqistan parlaménti bashliqi yerlan koshanow, qazaqistan kéngesh palatasining bashliqi mewlén ashimbayéw we qazaqistan bash ministiri oljas bekténow bilen ayrim ayrim uchrishish ötküzidu hemde qazaqistan pirézidénti qasim jomert tokayéw teripidinmu resmiy qobul qilishini mölcherlenmekte.

numan qurtulmush yene qazaqistanning türkistan shehirinimu ziyaret qilidu we xoja ehmet yesewi uniwérsitétida ötküzülidighan programmida nutuq sözleydu.

numan qurtulmush 22 -  maydin 23 - mayghiche bolghan ariliqta özbékistanning paytexti tashkentte ziyarette bolidu. özbékistan aliy parlaménti qanun chiqirish mejlisining reisi nurdinjan ismailow, özbékistan kéngesh palatasi reisi tanzila narbayéwa we özbékistan bash ministiri abdulla aripow bilen körüshidu.

numan qurtulmushning yene, özbékistan pirézidénti shawket mirziyoyéw teripidinmu qobul qilinishi pilanlanmaqta.