toqayéw: térrorchilarni öltürüsh buyruqi chüshürdüm
qazaqistan pirézidénti qasim jömert toqayéw qanun ijrachiliri we armiyege agahlandurush bermestinla térorchilarni öltürüsh üchün buyruq chüshürgenlikini éytti.
türkiye awazi radiyosi xewiri: qazaqistan pirézidént mehkimisi axbarat wasitiliri orginining bildürüshiche, qazaqistan pirézidénti qasim jömert toqayéw, térrorizmgha qarshi küresh mesiliside dairiler bilen yighin chaqirghan, hemde yighindin kéyin qilghan sözide, térrorizmgha qarshi küresh herikitini qozghighanliqlirini, bu dairide qanun ijra qilghuchilarning japaliq ishlewatqanliqini tekitlep mundaq dégen: «omumen qilip éytqanda, döletning herqaysi jaylirida jemiyet tertipi asasiy jehettin saqlandi, yerlik dairiler weziyetni kontrol qilmaqta, emma térrorchilar téxiche qoral – yaragh ishlitish we puqralarning mal – mülüklirige ziyan yetküzüshni dawamlashturmaqta, shu wejidin, térrorizmgha qarshi küresh herikiti taki buzuq unsurlar tamamen yoqitilghangha qeder üzlüksiz dawamlishidu. shuni alahide tekitlep ötimenki, qanun ijra qilghuchilar we we armiyege agahlandurush bermestinla térorchilarni öltürüsh üchün buyruq chüshürdüm.»
bayanatta yene, mundaq déyildi: « kolliktip bixeterlik shertnamisi teshkilati tinchliq saqlash qisimliri qazaqistangha kélishke bashlidi. bu qisimlar, melum muddet istiratégiyelik jaylarni qoghdash we mudapie qilish üchün qazaqistangha keldi.»
bu ariliqta, qazaqistan ichki ishlar ministirliqi, hökümetke qarshi namayishlar esnasida yüz bergen weqelerde 26 namayishchining ölgenliki, 3 mingdin artuq kishining qolgha élinghanliqi eskertilip mundaq déyildi: «dölet xewpsizlik küchliri, almuta shehiride jemiyet tertipini saqlidi, istiratégiyelik jaylarni qoghdap, yollarda térrorchilarni tazilashni dawamlashturmaqta.»
qazaqistanda suyuqlandurulghan tebiiy gaz (LNG) ning bahasining östürülüshi we döletning iqtisadiy-ijtimaiy weziyitining yamanliship kétishi qatarliq seweblre tüpeyli bashlanghan namayishlar, eng chong sheher almutada zorawanliq heriketliri we qoralliq toqunushlargha aylinip ketkenidi.
pirézidént qasim jömert toqayéw, namayishlarning otturigha chiqishining jawabkari dep qarighan hökümetning istépasini qobul qilghan, weqelerning dairisining kéngiyip kétishi netijiside, jiddiy halet élan qilghanidi.
مۇناسىۋەتلىك خەۋەرلەر
shiwéytsariyede türk heptiliki paaliyiti ötküzülmekte
shiwéytsariyening jenwe shehiride türk heptiliki paaliyiti ötküzülmekte.
