ezerbeyjan rusiyege naraziliq bildürdi
ezerbeyjanning rusiye dölet igidarchiliqidiki tor bétide «taghliq qarabagh jumhuriyiti» ibarisining ishlitilishige naraziliq bildürdi.
türkiye awazi radiyosi xewiri: ezerbeyjan tashqi ishlar ministirliqi bayanatchisi leyla abdullayéwa élan qilghan yazma bayanatida, rusiyening dölet igidarchiliqidiki tor bétide «taghliq qarabagh jumhuriyiti» ibarisini qollanghanliqi sewebidin diplomatik yollar arqiliq rusiye terepke étiraz bildürülgenlikini eskertti.
bayanatchi leyla abdullayéwa: «bu xil xata uchurning ikki döletning dostluq we hemkarliq rohigha mas kelmeydighanliqi rusiye terepning diqqitige sunuldi» dédi.
leyla abdullayéwa bayanatida: «qarshi terep bu mesilining téxnikiliq xataliq ikenlikini eskertip, uni tüzitish üchün zörür qedemlerning tashlinidighanliqini, öz nöwitide yene, kelgüside bu xil mesililerge diqqet qilidighanliqlirini bildürdi» dégen sözlerni ishletti.
rusiyening dölet höddigerliki élan qilinidighan resmiy intérnit bétidiki élanida, rusiye qisimliri waqitliq turiwatqan qarabagh ezerbeyjan zémini emes, «taghliq qarabagh jumhuriyiti» dep ipadilengen idi.
مۇناسىۋەتلىك خەۋەرلەر
shiwéytsariyede türk heptiliki paaliyiti ötküzülmekte
shiwéytsariyening jenwe shehiride türk heptiliki paaliyiti ötküzülmekte.