tajikistanda kelkün sewebidin 7 kishi qaza qildi

türkiye awazi radiyosi xewiri:  tajikistan jiddiy ehwallargha taqabil turush we xelq mudapie komitéti teripidin élan qilinghan bayanatta, döletning taghliq rayonlirida tünügün qattiq yamghurning kelkünlerni keltürüp chiqarghanliqi bildürüldi.

kelkün sewebidin tajikistanning xatlan, qulyab we hisar rayonlirida 7 kishining qaza qilghanliqi, bu kishilerdin 5 kishining aptomobilliri kelkünde éqip kétish sewebidin qaza qilghanliqi uqturuldi.

nurghun öy we ul eslihe qurulushlirining buzulghanliqi hemde qutquzush etretlirining apet rayonliridiki xizmetlirini dawamlashturiwatqanliqi eskertildi.

bayanatta, pirézidént imameli rahmanning yolyoruqi bilen tebiiy apet keltürüp chiqarghan ziyanni éniqlash we bir terep qilish üchün bash ministir qahir resulzodening riyasetchilikide hökümet komitéti qurulghanliqi élan qilindi.