qazaqistandiki saylamlarning gheyriy resmiy netijiliri töwendikiche:
qazaqistanda ötküzülgen parlamént ezaliri saylimida, hakimiyet béshidiki nur otan partiyesi birinchi orungha ötti.
türkiye awazi radiyosi xewiri: démokratiye instituti teripidin sheherlerde 263 we yézilarda 237 bolup, jemiy 500 sanduqta élip bérilghan tekshürüsh netijilirige asaslanghanda, hakimiyet béshidiki nur otan partiyesi %72.1 awazgha ériship, birinchi orungha ötken. aq yol démokratlar partiyesi %10.27 awaza ériship ikkinchi we qazaqistan xelq partiyesi %9.54 awazgha ériship üchinchi bolghan.
tekshürüshke 20 ming saylighuchi qatnashqan.
jamaet pikri tetqiqat orni teripidin élip bérilghan yene bir tekshürüshke asaslanghanda, nur otan partiyesi %71.97 awazgha ériship birinchi bolghan, aq yol démokratlar partiyesi %10.18 awazgha ériship ikkinchi we qazaqistan xelq partiyesi %9.03 awazgha ériship üchinchi bolghan.
bu ariliqta qazaqistanning qurghuchi pirézidénti nursultan nazarbayéw bélet tashlash tekshürüshi netijisidin kéyin, paytexttiki nur otan partiyesining saylam merkizini ziyaret qildi.
gerche nazarbayéw 2019 - yili 19 - martta prézidéntliq wezipisidin istipa bergen bolsimu, hakimiyet béshidiki nur otan partiyesining reislik wezipisini dawamlashturup kelmekte.
qazaqistan merkizi saylam komitéti bélet tashlash nisbitining shu yerning waqti 22:00 giche %63.3 ke yetkenlikini élan qilghan idi.
مۇناسىۋەتلىك خەۋەرلەر
shiwéytsariyede türk heptiliki paaliyiti ötküzülmekte
shiwéytsariyening jenwe shehiride türk heptiliki paaliyiti ötküzülmekte.