türk kéngishi türkiyening «türksat 5A süniy hemrahi» qoyup bergenlikini tebriklidi
türkiy tilda sözlishidighan döletler hemkarliq kéngishi (türk kéngishi) «türksat 5A süniy hemrahi» ni alem boshluqigha qoyup bergenliki munasiwiti bilen türkiyeni tebriklidi.
türkiye awazi radiyosi xewiri: türk kéngishining ammiwi ortaqlishish tor béti Twitter sehipiside, bu heqte élan qilghan bayanatida, mundaq déyildi: «türk kéngishining qurghuchi ezasi türkiye, <türksat 5A xewerlishish süniy hemrahi> ni amérika qoshma ishtatlirining florida ishtatidin alem boshluqigha qoyup berdi. türk kéngishi bolush süpitimiz bilen türkiyeni tebrikleymiz, eza döletlirimizning téxnologiyelik muweppeqiyetliridin pexirlinimiz.»
tünügün amérika qoshma ishtatlirining florida ishtatining keyp kanawéral bazisidin alem boshluqigha qoyup bérilgen «türksat 5A süniy hemrahi», türkiyening alem boshluqidiki 7 – aktip süniy hemrahi alahidilikige ige.
«türksat 5A xewerlishish süniy hemrahi», türkiye, yawropa, ottura sherq, shimaliy afriqa, ottura gherbiy afriqa, jenubiy afriqa, aqdéngiz, ege déngizi we qaradéngizni öz ichige alghan keng dairilik jughrapiyede, téléwiziye pirogrammilirini tarqitish we sanliq melumat dairiside xewerlishish mulazimetlirini sunidu.»
مۇناسىۋەتلىك خەۋەرلەر
shiwéytsariyede türk heptiliki paaliyiti ötküzülmekte
shiwéytsariyening jenwe shehiride türk heptiliki paaliyiti ötküzülmekte.
