türkche somalida tallap oqutulidighan derslik bolidu

türkiye awazi radiyosi xewiri: paytext muqdisho kochilirida hemme kochida yaki dukanlarda dégidek türkche bilidighan kishini uchritish mumkin halgha keldi. muqdishoda héchqandaq kursqa bérip oqup baqmighan kishilermu körgen chatma téléwiziye filimlirining tesiride bir qanche türkche sözlerni yadqa bilidu.

türkiye maarip apparatliri kelgen nurghun telepkejawab bérishte qiynalmaqta. türkche somalida mektep rolini oynawatqan we yüzlerche bala oquwatqan üch yétim-yisirlar ornida mejburiy derslik qilip oqutulushqa bashlandi.

türkche yunus emre inistituti somali maarip ministirliqi bilen birlikte bashlashni pilan qilghan layihe ramkisida, deslepte paytext muqdishoda, kéyinche dölet miqyasida tallap oqutulidighan derslik bolidu.

muqdishodiki yunus emre inistitutining kordinator wekili sinan doruk 2017-yildin buyan 5 mingdin artuq kishige türkche ders bérilgenlikini bildürdi.

u türkche oqutushni mekteplerdin bashqa, türkiye herbiy telim-terbiye bazisi, yétim-yisirlar mektipi we sehiye bilimliri uniwérstétida dawamlashturuwatqanliqlirini qeyt qildi.

u somalida texminen 25 oqutquchining minglarche kishining türkche bilen tonushushigha wesile bolghanliqlirini bildürüp, kurslarda telepke yétishelmeywatqanliqlirini eskertti.

u: «aldimizdiki mezgillerde somali maarip ministirliqi bilen birlikte ortaq layiheni emelge ashurup, türkchini tallap oqutulidighan yaki mejburiy oqutulidighan derslikke kirgüzüsh nishanimiz bar» dédi.

u layihening deslepte muqdishoda ijra qilinidighanliqini bildürdi.