gollandiyede quran kerim tarqitildi
gollandiyede «padishah küni» (padishahning tughulghan küni)» paaliyiti dairiside herqaysi sheherlerde islam dinini tonushturush üchün quran kerimning gollandiyeche terjimisi tarqitildi.
türkiye awazi radiyosi xewiri: «musulmanlarning köz qarishi fondi jemiyiti» ge qarashliq «néme üchün islam?» bölümining rehberliri we pidaiyliri 15 sheherde «islamgha chaqiriq» namliq paaliyet uyushturdi.
paaliyette padishahning tughulghan künini tebriklesh üchün sheher merkizidikilerge quran kerimning gollandiyede terjimisi hediye qilindi, islam heqqide risaliler – teshwiqat wereqeliri tarqitildi hemde islam dini tonushturuldi.
«néme üchün islam?» bölümining mesuli bekir ekinji yéqinqi yillardin buyan gollandiyede insanlarning islam dinigha bolghan qiziqishining barghanséri zoriyiwatqanliqini tekitlep mundaq dédi:
«gollandiyelikler quran kerimge intayin qiziqmaqta, köpinchisi choqum quran kerim oquydighanliqini bayan qilmaqta. xudayim buyrusa, bu paaliyetler arqiliq nurghun kishilerning islam bilen tonushushi yaki islam dinigha kirishige wesile boluwatimiz.»
