рус фотограф муз астида көргәзмә ачти

түркийә авази радийоси хәвири: русийәниң нилмогубада шәһиридә муз астида ечилған көргәзмә сәнәтсөйәрләр билән муһит асриғучиларни суниң чоңқурлуқлирида учраштурди.

әсәрләрниң игиси русийәлик фотограф вә ғәввас виктор лйагушкин, көргәзмиси арқилиқ йәршариниң иссип кетиши нәтиҗисидә нурғунлиған җанлиқларниң йоқилидиғанлиқи мәсилисини әкс әттүрди.

лйагушкин келимат өзгиришниң йаман ақивәтләрни елип келидиғанлиқини әскәртип: «муз пүтүнләй ерип кәткәндә — бу иш наһайити йеқин заманда йүз бериду — мән сүрәткә тартқан бу һайванлар йоқилиду, пәқәт мениң сүритимла қалиду» дегәнләрни қәйт қилди.

көргәзмини екискурсийә қилиш үчүн ғәввас кийими вә су үзүш лазимәтликлирини сетивелишқа, шундақла су астида узун вақит туруш хәвпигә тәвәккүл қилишқа тоғра келиду.