т р т ворлдниң һөҗҗәтлик филими алтун мукапатқа еришти
түркийә радийо-телевизийә идариси-т р т (TRT) ниң хәлқаралиқ т р т ворлд қанили (TRT World) ишлигән «Off The Grid» қисимлиқ һөҗҗәтлик филими, америкада алтун медалға еришти.
түркийә авази радийоси хәвири: кенийәдә қурғақчилиқ вә йуқири температура сәвәбидин қағҗирап қуруп кәткән етизлиқлар, милйонларчә кишини ачарчилиққа дучар қилди.
кенийәдә тәбиий байлиқлар үчүн риқабәт кәскинләшкәнсери тоқунушларму көпәймәктә. дәрйалар қуруп кәткән, ашлиқ йетишмәйватқан бу дөләттә, хәлқ йашаш үчүн күрәш қилмақта.
т р т ворлд қанили кенийәдә килимат өзгириши вә қурғақчилиққа диққәтни бураш мәқситидә, һөҗҗәтлик филим ишлиди. «Off The Grid» филими нийу йоркта өткүзүлгән фестивалда, телевизийә вә филим мукапатлири категорийәсидә алтун мукапатқа еришти.
нийу йорк фестивали 60 йилдин буйан дунйада йеңилиқ йаратқан мол мәзмунлуқ филимләрни мукапатлап келиватқан болуп, һәр йили фестивалға йүзләрчә филим қатнаштурулиду. мувәппәқийәтлик болған филимләр, алтун, күмүш вә мис медаллар билән мукапатлиниду.
مۇناسىۋەتلىك خەۋەرلەر
сәуди әрәбистандики тунҗи опера ойналди
сәуди әрәбистанниң тунҗи чоң операси пайтәхт рийадта ойналди.
