pakistanda yüz bergen kelkün apitide 17 adem qaza qildi
pakistanning xeyber-paxtonxwa ölkiside uda 3 kündin buyan dawamlishiwatqan qara yamghur sewebidin 17 adem qaza qildi, 23 adem yarilandi.
türkiye awazi radiyosi xewiri: pakistan birleshme axbarat agéntliqining pakistan rayonluq apetni bashqurush idarisining bayanatini menbe körsitip xewer qilishiche, xeyber-paxtonxwa ölkiside uda 3 kündin buyan dawamlishiwatqan qara yamghur sewebidin 5 balini öz ichige alghan 17 adem qaza qilghan, 23 adem yarilan, 148 kala halak bolghan, 116 öy weyran bolghan, bezi yollar taqilip qalghan.
apet yüz bergendin kéyin izdesh – qutquzush etretliri neq meydangha yétip bérip, izdesh – qutquzush paaliyetliri, talapetke uchrighanlargha yardem bérish, yollarni rémont qilish xizmiti ishleshke bashlighan.
pakistan rayonluq apetni bashqurush idarisining bayanatida tekitlinishiche, yerlik hökümetlerge talapetke uchrighanlargha eng qisqa waqit ichide iqtisadiy yardem bérilishi toghriliq yolyuruq chüshürülgen.
