refahtin köchüshke mejbur bolup qalghan pelestinlikler sani 810 minggha yetti

türkiye awazi radiyosi xewiri: birleshken döletler teshkilatining yéqin sherqtiki pelestin musapirlirigha yardem bérish we xizmet qilish orgini (UNRWA) ijtimaiy taratqu supisi «X» tiki adrésida bayanat élan qilip, israiliye hujum qilishni dawamlashturuwatqan ghezzening refah shehiridin köchüshke mejbur bolup qalghan pelestinlikler toghrisida melumat berdi.

ghezzede héchqandaq yerning bixeter emesliki tekitlengen bayanatta: «aililer her qétim öy-makanliridin ayrilghanda, hayatliri éghir xeterlerge duch kelmekte. kishiler bixeter jay izdesh üchün, hemme nersini tashlap kétishke mejbur bolmaqta» dégen ibarilerge orun bérildi.

israiliyening hujumliri astidiki refahtin yéqinqi ikki heptining mabeynide 810 mingdin artuq pelestinlikning köchüshke mejbur bolghanliqigha isharet qilinghan bayanatta, urush toxtitish telep qilindi.

israiliye armiyesi 6-may bayanat élan qilip, öy-makanliridin ayrilip qalghan pelestinlikler panahliniwatqan refahning sherqidiki bir qisim mehellilerning boshitilishini telep qilghanidi.

israiliye armiyesi 7-may refahqa quruqluqtin hujum qilip, ghezzening misir bilen bolghan chégra éghizining ghezze teripini qolgha kirgüzgenlikini élan qilghanidi.

israiliye bixeterlik kabinétining 10-may refahqa qaritilghan quruqluq hujumining «dairisini kéngeytish» qararini testiqlighanliqi ilgiri sürülgenidi.