péskow: zéléniskiyning wezipe ötesh mudditining axirlishishi herbiy heriketlerge tesir körsetmeydu

türkiye awazi radiyosi xewiri: rusiye pirézidéntliq mehkimisi — krémil bayanatchisi dimitriy péskow paytext moskwada muxbirlargha bayanat berdi.

u: «ukraina pirézidénti zélénskiyning wezipe ötesh mudditining axirlishishining rusiyening ukrainadiki <alahide herbiy herikiti>ge tesir körsitemdu-yoq?» dégen soalgha jawab bérip, «yaq, alahide herbiy heriket dawamlishidu» dédi.

bayanatchi péskow ukraina armiyesining rusiyening bir qisim sheherlirige hujum qilghanliqini tilgha élip, bu sewebtin rusiye armiyesining ukrainada bixeter rayon qurushni dawamlashturuwatqanliqini éytti.

2019-yili ukrainada ötküzülgen pirézidéntliq saylimida ghelibe qilghan zélénskiyning, 5 yilliq wezipe ötesh mudditi bügün (20-may) axirlishidu.

31-mart ötküzülüshi pilanliniwatqan pirézidéntliq saylimi 2022-yili 2-ayning 24-küni bashlanghan rusiye-ukraina urushidin kéyin élan qilinghan herbiy haletning dawamlishishi sewebidin emeldin qaldurulghanidi.