байдин һамасқа бесим қилишни тәләп қилди

түркийә авази радийоси хәвири: ақсарай байанат елан қилип, пирезидент байдинниң телефонда көрүшүп, ғәззәдә уруш тохтитиш вә әсирләрниң қойуп берилиши үчүн һамасниң үстидики тәсир күчидин пайдилинишни тәләп қилғанлиқини билдүрди.

пирезидент байдин сиси вә алсани билән бирликтә, һазирму давамлишиватқан ғәззәдә уруш тохтитиш сөһбәтлири җәрйанини әтраплиқ музакирә қилди, һәмдә уларға көрситиватқан тиришчанлиқлири сәвәбидин рәһмәт ейтти.

у һамасниң үстәлдики тәклипни қобул қилған әһвалда, ғәззәдә дәрһал уруш тохтитишниң әмәлгә ашидиғанлиқини, районға инсанпәрвәрлик йардәмлириниң көпләп келидиғанлиқини؛ буниңға җавабән һамасниң қолидики әсирләрни қойуп бериши керәкликини тәкитлиди.

у сөзини давамлаштуруп, мисир вә қатар рәһбәрлиридин уруш тохтитиш келишиминиң түзүлүши үчүн һамасниң үстидики тәсир күчидин пайдилинишни тәләп қилди.

мисир билән қатарниң мурәссә қилиши нәтиҗисидә тәййарланған йеңи уруш тохтитиш вә әсирләрни алмаштуруш келишими түзүш тәклипи, 26-апрел (2024) һамасқа йәткүзүлгән иди. һамасниң мәзкур тәклипни музакирә қилип, пат арида җаваб беридиғанлиқи елан қилинған иди.

мисир таратқулири һамас һәйитиниң қаһирәдин айрилғанлиқини вә мисирниң ғәззәдә уруш тохтитиш келишими түзүш тәклипигә йазма җаваб қайтуридиғанлиқини хәвәр қилған иди.