б д т: ғәззәдә партилимиған бомбилар хәвп шәкилләндүрмәктә

түркийә авази радийоси хәвири: бирләшкән дөләтләр тәшкилати мина паалийәтлирини контрол қилиш башқармисиниң пәләстин ишлири мәсули мунго бирч, җәнвәдә чақирилған « 27 – нөвәтлик хәлқара мина  паалийәтлирини контрол қилиш ишлири мәсуллири вә бирләшкән дөләтләр тәшкилати мәслиһәтчилири йиғини» да қилған сөзидә, 7-өктәбирдин буйан  исраилийәниң дәһшәтлик һуҗумлириға дуч келиватқан ғәззәдә көп санда партилимиған бомбиларниң «әң чоң хәвп» шәкилләндүрүватқанлиқи тоғрилиқ агаһландурди.

бирч хәвпниң көпинчисиниң кишиләр ғәззәниң шималиға қайтишқа башлиғанда оттуриға чиқидиғанлиқини әскәртип мундақ деди:

 «чүнки кишиләр партилимиған бомбиларниң нәдиликини билмәйду. шуңа ғәззәниң шималиға қайтиш башланғанда хәвп һәққидә кишиләрниң еңини өстүрүшкә тоғра келиду.»

бирләшкән дөләтләр тәшкилати баш катипиниң тинчлиқ һәрикити ишлири муавин мәсули җеан пиерре лакрокс, б д т мина паалийәтлирини контрол қилиш башқармисиниң инсанпәрвәрлик тиришчанлиқлар вә хәвп – хәтәрләрни ениқлап чиқиш қатарлиқ паалийәтләргә қатнишидиғанлиқини қәйт қилди.

у йәнә ғәззә үчүн инсанпәрвәрлик нуқтисидин уруш тохтитишқа капаләтлик қилишниң йәнила наһайити муһим иш икәнликиниму сөзлиригә илавә қилди.