amérikaning pirézidént namzati pelestinni qollash namayishida qolgha élindi
amérikada noyabirda ötküzülidighan pirézidéntliq saylimigha yéshillar partiyesidin namzat bolghan jil steyin washington uniwérsitétida ötküzülgen pelestinni qollash namayishida qolgha élindi.
türkiye awazi radiyosi xewiri: amérikaning pirézidént namzati steyinning bayanatchisi we saylam seperwerliki diréktori shundaqla uning muawininingmu qolgha élinghanliqi bildürüldi.
qolgha élish jeryanida saqchilarning steyinning üstidin wélisipit bilen bésip ötkenliki bildürülmekte.
bayanatchi saynt luis shehirige jaylashqan washington uniwérsitétida, namayishchilarning uniwérsitétni ghezzediki pelestin xelqige qaritilghan «irqiy qirghinchiliq» ni oq-dora bilen teminleydighan boyin shirkitige salghan meblighini azaytishqa chaqirghanliqini eskertip: «steyinning paaliyiti oqughuchilarning telipi we tinch namayishini qollap quwwetleydu» dédi.
saqchilarning washington uniwérsitétidiki namayish üchün meqsetlik qurulghan lagérlargha bésip kirip tutqun qilish herikitini bashlighanliqi we bu herikette 100 din artuq kishini qolgha alghanliqi bildürülmekte.
saqchilarning namayishni qattiq qolluq bilen basturghanliqi we namayishchilarni yerge yatquzup, dümbisige ménip turup tetür kishen salghanliqi bildürülmekte.
