amérika unwérsititlirining hemmiside dégüdek ghezzeni qollash namayishi ötküzülmekte
amérika kolumbiye unwérsititida bashlanghan ghezzeni qollash namayishi amérika miqyasida dolqunsiman kéngeymekte.
türkiye awazi radiyosi xewiri: nurghun uniwérsitétlarda oqughuchilar mektep baghchisigha toplinip, urush toxtitish chaqiriqi élan qilmaqta.
bezi namayishlargha saqchilarning qattiq arilishi we qiliwatqan zorawanliqining küchiyishi talash-tartish yaratmaqta.
oxéo ishitatliq uniwérsitétida ghezzeni qollap ötküzülgen namayishqa saqchilar ariliship, 16 oqughuchini qoshqanda jemiy 36 kishini qolgha aldi.
néwada unwérsititida oqughuchilar mektep hoylisida lozunka achti we ghezzede urush toxtitish shoarlirini towlidi.
gherbiy shimal uniwérsitétida ötküzülgen pelestinni qollash namayishigha qarshi amérika saqchiliri bésip kirip tutqun qilish herikiti élip bardi.
bésip kirip tutqun qilish jaryanida 100 din artuq kishining qolgha élinghanliqi we ulargha qarshi intizam jazasi bérish jeryani bashlanghanliqi uqturuldi.
amérikadin kéyin, kanadadiki mak gil uniwérsitétidimu pelestinni qollash lagéri quruldi.
namayishchilar «uniwérsitétimizning irqiy qirghinchiliqqa shérik bolushigha yol qoymaymiz» dégen shoarliri bilen pelestinni qollash chaqiriqida boldi.
uniwérsitétlarda ötküzülgen pelestinni qollash namayishliri israiliye toxtimay bombardiman qiliwatqan ghezzege ümit bolmaqta.
ghezzening jenubidiki rafahta panahliniwatqan bir pelestinlik aile özliri turushluq chédirlarning üsstige xet yézip, amérikadiki oqughuchilargha rexmet éytti. pürkülidighan boyaq bilen «ghezzeni qollap hemkarlishiwatqan oqughuchilargha rexmet éytimiz» we «kolumbiye oqughuchilirigha rexmet» dégen sözlerni yazdi.
مۇناسىۋەتلىك خەۋەرلەر
michotaks türkiyege kélidu
girétsiye bash ministiri kériyakos michotakis paytext enqerede dölet ishliri ziyaritide bolidu.